Kelma Għal Kelma:Teżawru Tematiku Mal

L-ewwel teżawru tax-xorta tiegħu bil-Malti

Teżawru tematiku joffri vantaġġi kbar lil kull min ifittex fih. Vantaġġ ewlieni hu li l-kliem kollu marbut ma’ qasam partikolari jinsab qrib xulxin u mhux imxerred mal-erbat irjieħ tal-alfabett. Hekk jispikkaw aktar id-differenzi fit-tifsir, li xi drabi jistgħu jkunu sottili.

Bit-tqassim alfabetiku, kliem bħal ċaqċaq, għadma, sinsla, skeletru u qarquċa jkun imferrex taħt erba’ ittri differenti filwaqt li f’dan it-teżawru jinsab miġbur flimkien u għalhekk hemm probabbiltà akbar li l-fittiex isib dak li jkun qed ifittex.

Teżawru bħal dan huwa effettiv l-aktar għaliex iqegħedlek il-kliem fuq il-ponta ta’ lsienek, lest biex tużah. Mhux biss jgħin lil min irid jikkomunika jagħżel liema hi l-aktar kelma li tixraq fil-kuntest, iżda jiffaċilita wkoll il-proċess biex il-fittiex isib xi kelma li jeħtieġha u li għandu mnejn lanqas biss ikun jaf li teżisti.

It-Teżawru huwa mqassam f’dawn it-temi:

• Il-familja u l-ħbieb
• Il-ġisem u l-kura tiegħu
• Id-deskrizzjoni fiżika
• Id-deskrizzjoni tal-karattru
• Is-sentimenti u l-emozzjonijiet
• Il-fażijiet tal-ħajja

Madankollu min irid jista’ jfittex ukoll b’mod alfabetiku permezz tal-indiċi fit-tieni nofs tal-ktieb, u b’hekk ma tintilifx il-prattiċità li joffri l-alfabett.

Dan it-teżawru tematiku huwa għodda ġdida li għandu jkollu kull min għandu l-Malti għal qalbu u jfittex li jikkomunika tajjeb li lsienna, fosthom:

• • l-istudenti f’livelli differenti li minbarra li jridu jkunu kapaċi jaqraw u jifhmu, huma mistennija jitħaddtu u jiktbu b’Malti tajjeb u idjomatiku;
• • l-istudenti li ma jafux il-Malti imma jixtiequ jitgħallmu l-vokabolarju ta’ temi partikolari;
• • il-ġenituri li jixtiequ jsaħħu l-vokabolarju tagħhom biex jgħinu lil uliedhom;
• • l-għalliema li skont l-LFO għandhom jgħinu lill-istudenti jikkonsultaw f’teżawru;
• • il-kittieba, it-tradutturi, ix-xandara, il-ġurnalisti u kull min juża l-Malti biex jikkomunika.

Ukoll, għall-ewwel darba fi ktieb Merlin, it-teżawru fih verżjoni online. Fil-ktieb stampat issibu kodiċi uniku li bih taċċessaw it-teżawru online. L-istruzzjonijiet kollha ssibuhom fil-ktieb stampat.

* Il-verżjoni online xogħol Kurt Ellul, u ġiet iffinanzjata mill-Aġenzija Nazzjonali tal-Litteriżmu

All orders received by noon are delivered within 48 hours (excluding Sundays and Public Holidays).

Orders from Gozo received from Monday to Thursday before noon will be delivered within 48 hours (excluding Public Holidays).

Orders received on Friday, Saturday and Sunday will be delivered the following Monday / Tuesday.

DELIVERY FEE of €6 on all orders to Malta and Gozo under €50

IMPORTANT NOTE (CHRISTMAS PERIOD):

Orders received by the 21st of December will be delivered on the 22nd/23rd. Orders received on the 23rd and after will be delivered on the 28th of December.

IMPORTANT NOTE:

Personalised Rubber Stamp orders DO NOT qualify for next day delivery, for more info see the Personalised Rubber Stamp product description