Manuela

Manuela u Stefania bdew ifittxu lil xulxin sa minn meta kienu żgħar. Issa li kibru, l-imħabba ta’ bejniethom ħadet tifsira oħra… iżjed profonda, iżjed intima…sakemm ħabta u sabta, Manuela tiddeċiedi li tiżżewweġ. Stefania titnikket bil-kbir għax tħossha ttraduta. Marija, oħt Stefania, miżżewġa b’tifla waħda u tqila bit-tieni tarbija, kellha wkoll il-problemi tagħha. Żewġha James kien sar indifferenti lejha għax issa sar midħla ta’ klikka Sqallin li webbluh kif seta’ jsir sinjur mil-lum għal għada. Lippu, missier Stefania u Marija, kien jaqlagħha u jikolha mill-ftit raba’ li kellu. L-għaxqa tiegħu meta kull filgħodu, sajf u xitwa, jerħilha lejn ir-razzett tiegħu biex fis-solitudni ta’ madwaru jgħaddi ħin twil fl-ambjent li fih kien trabba…sakemm darba fost l-oħrajn titfaċċa quddiemu Rosette, tfajla ta’ ġmiel sofistikat u qaddis… u jitlef għaqlu warajha…