Fil-Kcina M'Anton - Sopop

Is-sopop huma popolari mal-poplu Malti u huma pjuttost faċli biex tippreparahom. Insibu diversi tipi ta’ sopop bnini – tal-ħaxix, tat-tiġieġ, tal-laħam, tal-ħut u oħrajn. Ħafna minn dawn is-sopop isiru bl-istess metodu u b’hekk wieħed jista’ jvarja t-tip ta’ soppa li jagħmel. Is-soppa faċli ħafna tippreparaha minn qabel u anke tkessaħha u terfagħha biex tikkunsmaha fil-jiem ta’ wara. Huwa importanti ħafna li wara li ssir is-soppa, din tiksaħ sew qabel ma titpoġġa fil-friġġ. Dan il-ktieb jinkludi diversi tipi ta’ soppa u brodu tradizzjonali bħal soppa tal-armla, soppa tal-ħaxix, soppa tal-kirxa, u anke oħrajn bħal minestrone, aljotta, brodu u l-bqija. Barra minn hekk, jingħata wkoll il-metodu ta’ kif isiru tipi ta’ stokk differenti, li jistgħu jintużaw bħala bażi għal sopop differenti.