Dwar L‑Arti Tal‑Poezija

Il-filosfu Grieg Aristotli kien l-ewwel studjuż li ddedika kitba sħiħa lit-teorija tal-letteratura bl-isem ta Dwar l-arti tal-poeżija. Magħruf tradizzjonalment bħala l-Poetika, dan ix-xogħol jgħarbel il-metodi li jagħmlu l-aħjar traġedja drammatika filwaqt li janalizza wħud mill-aqwa traġedji tat-teatru Grieg, bħal Edip Sultan ta’ Sofokli. Ix-xogħol kellu influwenza kbira fuq teoristi u drammaturgi matul is-sekli, u għadu meqjus sal-lum bħala trattat fundamentali fl-Istorja tal-Kritika Letterarja. Karmenu Serracino qed jittraduċi dan ix-xogħol mill-Grieg Klassiku għall-Malti, filwaqt li jikkonsolida t-traduzzjoni b’introduzzjoni u noti komprensivi li jgħinu lill-qarrej jifhem aħjar l-ideat Aristoteliċi u l-isfond storiku li fih kiteb il-filosfu.