2.Mt

2.mt huwa t-tieni ktieb fis-serje .mt maħsub għall-istudenti tat-tieni sena fis-sekondarja. Kull taqsima titlaq dejjem minn storja jew rakkont, email poezija jew argument. It-temi jvarjaw bħalma jvarjaw il-ġeneri: ir-rakkont fil-preżent, id-deskrizzjoni ta’ persuna, il-kitba ta’ email u blogg, l-istorja umoristika, il-kitba ta’ aħbar u rapport, il-kitba argumentattiva u r-riċensjoni ta’ ktieb. Mit-test, joħorġu mistoqsijiet differenti li jqanqlu diskussjoni u riflessjoni. Testi differenti se jgħinu lill-istudenti fil-ħiliet tal-qari, tat-taħdit, tas-smigħ u tal-kitba. Imma kull taqsima fiha ħafna iktar minn dan it-taħriġ fil-ħiliet bażiċi. Fil-fatt kull taqsima tqajjem l-interess għal diskussjonijiet fil-klassi jew fid-dar, għall-għarfien kulturali li jmur lil hinn minn dak ta’ pajjiżna, kif ukoll għarfien grammatikali, sintattiku u ortografiku. 2.mt għandu jgħin lill-istudenti jaħsbu b’mod kritiku fuq dak li jaqraw, jiddiskutu, jagħtu l-opinjonijiet tagħhom, jiktbu, iżommu portfoljo tal-Malti u jieħdu gost waqt il-lezzjonijiet tal-Malti.