L - Omiċidju - Il - Qtil F’Malta Analizzat Edward Attard

Fid-dizzjunarja ta’ Gużè Aquilina, it-tifsira ta’ omiċidju tidher bħala ‘il-qtil tal-bnedmin,’ filwaqt li fid-Dizzjunarju Malti ta’ Mario Serracino-Inglott, l-omiċidju huwa ‘qtil, delitt, assassinju jew tneħħija tal-ħajja.’ Albert W. Agius fit-Teżawru jsemmi li l-omiċidju huwa ‘qtil, assassinju, delitt li jagħti l-mewt.’ Imbagħad f’dizzjunarji barranin, id-definizzjoni hija aktar preċiża, minħabba l-fatt li tinkludi li l-qtil iridisir minn persuna u aktar minn hekk, jissemma wkoll li, f’ċerti eċċezzjonijiet, mhux kull qtil huwa delitt. Eżempju ta’ dan huwa l-qtil mis-suldati waqt battalja jew gwerra. Hemm ukoll il-qtil waqt l-eżekuzzjonijiet tal-mewt bħala kundanna tal-Qorti.